Vrasja e ndodhur këtë të shtunë në Vlorë ka tronditur opinionin publik në Shqipëri.
41-vjeçari Leartiad Lekaj, u ekzekutua me armë zjarri, nga disa persona të maskuar në lagjen 28 nëntori të Vlorës, të cilët hapën zjarr ndaj tij, në bordin e një automjeti tip “audi”.
Të tjera detaje kanë dalë pas atentatit me armë zjarri të ndodhur gjatë mbrëmjes së sotme në Vlorë, ku mbeti viktimë Lekaj.
Mësohet se viktima nuk ishte i panjohur për drejtësinë, pasi më herët në dhjetor të vitit 2005, ai ishte marrë si i pandehur për kryerjen e veprës penale të vjedhjes me pasojë vdekjen, të kryer në bashkëpunim me shtetasin Fjodor Mezyraj.
Discussion about this post