Marash Kumbulla u transferua një vit më parë tek skuadra e Romës pas eksperiencës me Veronan. Mbrojtësi shqiptar nuk është aktivizuar në vazhdimësi me Murinjon ndërsa së fundmi ka theksuar se nuk do të kënaqet me kaq pasi kërkon të arrijë majat me këtë skuadër.
“Në një vit kemi përjetuar një pandemi, kemi parë stadiumet të mbushen përsëri. Jemi rrëzuar e jemi ngritur përsëri në këmbë… Në një vit te Roma kam bërë eksperienca të pabesueshme. Por nuk kënaqem me kaq, do të vazhdoj të jap maksimumin”, ishte premtimi i Kumbullës.
