Bojkoti i pedagogëve hyn sot në ditën e tij të dytë. Në disa prej universiteteve, po mbahet protesta që u paralajmërua nga ora 10:00 deri në 12:00. Pedagogët u shprehën se kishin edhe mbështetjen e studentëve, ndërsa kritikuan disa prej rektorëve të cilët pasi kanë marrë votat e stafeve pedagogjike, kanë dalë krah pushtetit qeveritar.
“Nuk ka asnjë përgjigjie sa i përket 9 kërkesave tona që lidhen me kërkimin shkencor, buxhetin për arsimin.
Qeveria duhet ta kuptojë se studentët janë me ne. Le t’i mbajë këta rektorët që bëhen menjëherë me pushtetin sapo marrin votat e stafeve pedagogjike.
Është një shprehje “shame on you”- u shpreh një prej pedagogëve në Tiranë.
“Na u premtua se do të plotësohen kërkesat, ka pasur një reagim nga qeveria për rritjen e rrogës por 7% nuk është e mjaftueshme, e shohim si një lëmoshë. Ndërkohë që 8% thuhet se do paguhet nga të ardhurat e universiteteve. Ne jemi absolutisht kundër kësaj. Ne do vazhdojmë bojkotin dhe protestat”- u shpreh një tjetër pedagog në Elbasan.
Discussion about this post