Ish-ministri i Shëndetësisë, Ilir Beqaj kërkon që të njihet me aktet e dosjes sa i takon çështjes së sterilizimit.
Nga ana tjetër SPAK ka bërë me dije se Beqaj duhet të paguajë 1 milionë lekë për t’i marrë materialet e dosjes, shumë e cila është refuzuar nga ish-ministri.
Përballë kësaj situate Beqaj duket se ka gjetur një zgjidhje tjetër për të shmangur pagesën, atë të ngujimit brenda ambienteve të SPAK-ut për të lexuar aktet e dosjes.
Avokati i Ilir Beqaj, Ermal Yzeiraj deklaroi se ish-ministri ndodhet ende në SPAK për të lexuar aktet hetimore të dosjes së sterilizimit, me 700 fashikuj.
Sipas avokatit, për momentin kanë lexuar 2 fashikuj dhe kanë 24 orë afat për të ezauruar të gjithë aktet hetimore.
“Jemi te fashikulli i dytë, kemi 24 orë afat për ti lexuar. Do qëndrojmë derisa të na lejojnë brenda. Na është kërkuar që për marrjen e akteve duhet të paguajmë secili nga mbi 9 milion lekë të vjetra. Sot është dita e fundit 10 ditor në dispozicion”, u shpreh avokati.
Ish-ministri i Shëndetësisë, Ilir Beqaj është paraqitur ditën e sotme në Prokurorinë e Posaçme, i shoqëruar nga avokati i tij mbrojtës, pasi është zyrtarisht i pandehur për dosjen e koncesionit të sterilizimit, ndërsa më 18 mars iu komunikua edhe akuza ‘shpërdorim detyre’.
Discussion about this post