5895 mjekë, infermierë e punonjës të spitaleve janë pezulluar ditën e sotme për shkak se nuk ishin vaksinuar. Greqia nuk ka toleruar punonjësit e kujdesit shëndetësor që vendosën të mos vaksinohen.
Ata kërkuan në Gjykatën Administrative ndaljen e vendimit të qeverisë, por kjo nuk ndodhi. Beteja tashmë do të vijojë në gjyqin e 8 tetorit.
Ky ultimatum ishte dhënë prej kohësh nga qeveria e Mitsotakis dhe janë pezulluar punonjësit që nuk kanë marrë asnjë dozë të vaksinës. Përplasja mes qeverisë e punonjësve që nuk duan të bëjnë vaksinën ka shkaktuar protesta në Selanik e Athinë.
