“Nuk qendron dot në këmbë”/ Deputeti i bën ‘serum’ në Kuvend, ja si reagon Albin Kurti

Një skenë e pazakontë është shënuar sot në Kuvendin e Kosovës.

Deputeti i PDK i ka bërë “serum” kryeministrit Albin Kurti. Ai ka shkuar pranë tij,, duke mbajtur pajisjen shëndetësore në duar.

Ndërkohë që i pari i Lëvizjes VetëVendosje qesh në vendin ku edhe po ulet.

“Qeverisë Kurti i ka humbur rruga në oborr. Gjendja në shëndetësi është e rëndë, me mungesë të barnave nga lista esenciale kurse në kulmin e krizës vjen dorëheqja e Ministrit të dytë në një vit e gjysmë qeverisje. Një infuzion ia vendosa sot për shkak qe qeveria është aq e dobët, sa nuk po qëndron dot në këmbë. Duke parë dhe paaftësinë në përgjithësi të Qeverisë, më së miri do të ishte dorëheqja e kryeministrit sepse po dështon në çdo sferë të jetës,”- ka shkruar Lushtaku.