Autoriteti Kombëtar i Ushqimit ka ndëshkuar 20 biznese në 24 orët e fundit, pasi janë konstatuar që ushtronin aktivitetin në mungesë të plotë të sigurisë ushqimore. Sipas njoftimit të publikuara nga AKU, këto biznese shisnin ushqime që iu kishte kaluar data e skadencës, ose i ruanin në kushte me mungesë të higjienës.
“Autoriteti i Kontrollit Ushqimor njofton se ka kryer 119 kontrolle zyrtare dhe monitorime në të gjithë vendin në operatorët e biznesit ushqimor të kategorive të ndryshme, si subjekte me aktivitet: furrë buke, pastiçeri, prodhim vere, supermarket, restorant, çerdhe, etj.
AKU bën me dije se gjatë kontrolleve zyrtare në operatorët e biznesit ushqimor janë dhënë 20 masa administrative me paralajmërim për aktivitet jo në përputhshmëri me kornizën ligjore dhe rregullatore të sigurisë ushqimore dhe gjithashtu u asgjësuan 43.5 ton produkte ushqimore”, thuhet në njoftim.
AKU çdo ditë ka ndëshkuar me dhjetëra biznese, kjo tregon se tregjet në vendin tonë janë shumë të pasigurt dhe qytetarët ushqehen me produkte të pakontrolluara.
