Pas një sërë aludimesh të nxitura nga mungesa e Harry Kane në stërvitjet e Tottenham, kapiteni i kombëtares së Anglisë i ka dhënë fund zërave.
Ditën e djeshme ai ka reaguar në Twitter, duke bërë me dije se sot do të bashkohet me ekipin e Spurs në stërvitje.
“Kanë kaluar gati 10 vite që kam bërë debutimin tim me Spurs. Për secilin prej atyre viteve, ju fansat më keni treguar mbështetje dhe dashuri të plotë. Kjo është arsyeja pse më dhemb kur lexoj disa nga komentet që janë bërë këtë javë, duke vënë në dyshim profesionalizmin tim.
Ndërsa nuk do të hyj në specifikat e situatës, dua të sqaroj se kurrë nuk kam refuzuar të stërvitem. Unë do të kthehem në klub nesër (e shtunë), siç ishte planifikuar. Unë nuk do të bëja asgjë për të rrezikuar marrëdhënien që kam me tifozët të cilët më kanë dhënë një mbështetje kaq të palëkundur gjatë kohës sime me klubin. Ky ka qenë gjithmonë kështu siç është sot”,- është shprehur Kane./Gijotina.com
