Në një intervistë për mediat, deputeti i Partisë Demokratike, Agron Gjekmarkaj, tregon arsyet pse nuk ka shkuar në mbledhjet e grupit parkamentar të Partisë demokratike. Gjekmarkaj është shprehur se për sa kohë Sali Berisha do jetë pjesë e tryezës, ai s’do të shkojë në asnjë mbledhje grupi. Ai gjithashtu tha se do jetë deputet i Lezhës dhe i PD-së në mënyrë që kjo parti të kthehet te vlerat perëndimore.
“Nuk kam shkuar në grup se e kam shumë të freskët ditën e 8 janarit që mund të ishte një ditë tragjike. Tani e shoh si një pushtim dhe uzurpim të PD dhe s’kam dashur që me prezencën time të legjitimoj këtë uzurpim. Unë nuk do të jem kurrë një deputet i Sali Berishës, do jem deputet i Lezhës dhe i PD në mënyrë që kjo parti të kthehet te vlerat perëndimore dhe miqësia me SHBA” – tha Gjekmarkaj.
Kujtojmë se grupi parlamentar i Partisë Demokratike bashkë me Komisionin e Rithemelimit kanë bërë disa mbledhje deri më tani. E fundit ishte diën e djeshme, ku u shoqërua me përp;asje mes Alibeajt, Bardhit me Sali Berishën.
Discussion about this post