Gazetari Blendi Fevziu ka deklaruar së fundmi se amerikanët ishin kritikë përsa i përket krimit të organizuar në Shqipëri dhe favorizimin e këtij sektori.
Ai u shpreh se krimi i organizuar financon fillimisht politikën dhe më pas ndodh e kundërta, por me paratë publike.
Sipas Fevziut kjo metodë ka qenë dështim për shumë vende, ndërsa shtoi se një vend nuk zhvillohet kurrë me paratë e krimit.
“Amerikanët ishin shumë kritik në çështjen e parave, krimit ë organizuar, dhe favorizimit ndaj krimit. Është një filozofi e vjetër e diplomatëve dhe ndërkombëtarëve, që pretendojnë se paratë e krimit vijnë fillimisht si një përfitim për vendin, pastaj këta njerëz që i hedhin këto para për të fuqizuar ekonominë bëhen vetë biznesmenë dhe pastaj shkojnë marrin tenderat e shtetit.
Është krimi i organizuar që në fillim financon politikën, pastaj është politika që financon krimin e organizuar me paratë publike. Kjo ka qenë dështim në shumë vende. Nuk ka kurrë presperioritet dhe mirëqenie me paratë e krimit, nuk ka zhvillim kurrë me paratë e krimit”- u shpreh Fevziu në një intervistë për “Euronews Albania”.
Discussion about this post