“Defekt teknik” e ka quajtur deputeti i PD-së Bujar Leskaj mungesën e ftesës nga mazhoranca për ceremoninë e 109-vjetorit të Pavarësisë që u organizua në sheshin e flamurit në Vlorë.
Gjatë një prononcimi për mediat, Leskaj tha se politika nuk duhet të jetë e ndarë por të jetë e bashkuar në këtë festë të rëndësishme.
“Në 28 nëntor ne të gjithë duhet të jemi bashkë pasi është respekt homazhi ynë për të atin e kombit, Ismail Qemalin. Sot duhet të ishte defekt teknik që përfaqësues të qeverisë nuk kanë lajmëruar deputetët e opozitës apo drejtues të PD, megjithatë le ta konsiderojmë si defekt teknik pasi ne më 28 nëntor jemi gjithë bashkë si shqiptarë”, tha Leskaj.
Në mungesë të ftesës për të qenë pjesë e ceremonisë në Vlorë, kreu i Partisë Demokratike, Lulzim Basha ka zhvilluar homazhe në Varrezat Dëshmorët e Kombit për të përkujtuar Ditën e Pavarësisë.
I shoqëruar nga drejtues dhe deputetë të PD, Basha e ka cilësuar 28 Nëntorin, si ditën më të bukur në nderimin e bijve dhe bijave, që sakrifikuan gjithçka në emër të Kombit dhe nën flamurin kuqezi.
Discussion about this post