Në konferencën që po zhvillon me gazetarët kryedemokratit Sali Berisha u pyet në lidhje me festën që u zhvillua dje në shesh për 100 vjetorin e marrëdhënieve diplomatike Shqipëri-SHBA. Ai tha se nuk u ndje aspak keq që nuk e ftuan, madje ai theksoi se me këto qëndrime ambasadorja Yuri Kim dëmtoi imazhin që shqiptarët kishin për SHBA-të.
“Zonja Kim, duke mos më ftuar më nderoi. Kjo në fakt, ajo me qëndrimet e saj, ka dëmtuar më shumë bashkë me Ramën dhe mafian e George Soros më shumë se kushdo tjetër për imazhin që kanë pasur shqiptarët për SHBA. U ndjeva i privilegjuar që unë nderova ngjarjen mes mirditorëve, shqiptarët më tradicional të të gjitha trojeve. Jo nderoi por turpëroi me figura si Taulant Balla e të tjerë, ky është qëndrimi im, i bindur që asgjë nuk më lëkund me besimin te SHBA si vend i madh i lirisë”, u shpreh ai.
Discussion about this post