Si kryetare e Këshillit Kombëtar të Integrimit, Jorida Tabaku, priste që të ishte pjesë e delegacionit që shkoi në Bruksel për tryezën e parë ndërqeveritare, por kjo nuk ndodhi. Tabaku nuk mori asnjë fesë nga Rama, por ajo vetë shprehet se në këtë rast më shumë rëndësi kishte vendimi që u mor për Shqipërinë. Në një intervistë për ABC, Tabaku thekson se është krenare për gjithë kontributin që PD ka dhënë në çështjen e integrimit të vendit në BE. “Pak rëndësi ka unë dhe secili prej nesh sepse kemi kontribuar. Jam përfaqësuese e PD dhe jam krenare. Për mua ishte një mundësi e humbur për qeverinë”.
Për Tabakun, negociatat do të rrisin presionin ndaj qeverisë përmes instrumenteve të kontrollit të BE. “Opozita ka një tjetër instrument i kontrollit. Tani fillon një proces tjetër. Negocimi i kapitujve do të na krijojë mundësi të flasim për çështjet”.
Kryetarja e Këshillit Kombëtar të Integrimit kërkon që qeveria të nis një debat të gjerë për të gjitha çështjet që do të prekin drejtpërdrejt shqiptarët. “Ne duhet të nisim një diskutim kombëtar”. Por sa parashikon Jorida Tabaku të zgjas hapja e kapitujve deri në integrimin e plotë të vendit në BE? “Për këtë duhet të ketë një vullnet të hekurt politik., qeveria duhet tëe ndalojë menjëherë iniciativat që bien ndesh me procesin e integrimit”.
Discussion about this post