Trajneri i Kombëtares Edoardo Reja ka publikuar sot listën me lojtarët e grumbulluar për kualifikueset ‘Katar 2020’ të nëntorit, ku ‘Kuqezinjtë’ do të përballen me Anglinë dhe Andorën.
Ajo që ka bërë habi në këtë listë ka qenë mungesa e mbrojtësit që po shkëlqen në kampionatin e La Ligas, Ivan Balliut. Lojtari është duke kaluar një periudhë shumë të mirë me ekipin e Rayo Vallecanos.
Balliu është titullar i padiskutuar i kësaj skuadre dhe po ashtu edhe mbrëmjen e sotme pritet ta nisë ndeshjen që nga minuta e parë.
Vallecano do të përballet në transfertë me Real Madrid në orën 21:00 për takimin e vlefshëm për javën e 13 të La Ligas.
Ecuria e ekipit të Balliut është shumë pozitive deri më tani, duke u renditur në vend të 6 me 20 pikë të grumbulluara në 12 ndeshje dhe shqiptari ka qenë një nga protagonistët e këtyre rezultateve.
Teksa kundërshtari i tyre i kësaj sfide, Real Madrid qëndron në vend të 2 me vetëm 4 pikë më shumë se Vallecano./K.T/Gijotina.com
Discussion about this post