Kryetari i Bashkisë së Tiranës, Erion Veliaj ka komentuar seancën e sotme në Gjykatën e Posaçme me kreu e PD, Lulzim Basha pasi ky i fundit e akuzon për shpifje.
Nga Kombinati, Veliaj tha se halli i vetëm i Bashës është që të sqarojë në gjyq nëse ka katër apo pesë vila, ndërsa atij i i duhet të merret dhe të zgjidhë hallet e njerëzve.
“Përpara se të flisja më shkroi një gazetar e më pyeti: Nuk je te ky gjyqi për vilat e katërta dhe të pesta të Lul Bashës? I thashë: Nuk kam kohë unë për këtë punë. Unë dhe Beni merremi të bëjmë shtëpitë për njerëzit. Se ka katër apo ka pesë Lul Basha të shkojë ta sqarojë në gjykatë se nuk kemi kohë për të humbur. Këta kanë vetëm hallin e tyre. Luli u çua sot dhe e vetmja gjë që kishte në axhendë është të sqarojë në gjykatë ka katër apo pesë vila. Për këtë jemi në gjyq. Shih çfarë hallesh kanë këta. Këta zihen për foltoren, për sondazhe se kë mbështesin më shumë, Saliun e lodhur apo Lulin e përgjumur? Këta nuk kanë lidhje fare me realitetin tonë. Këta për kalamajtë tanë nuk duan t’ia dinë. Këta nuk dua t’ia dinë fare, sepse e kishin këtë bashki, e kishin këtë qendër dhe nuk u dukën njëherë”, tha Veliaj.
Këto janë pikërisht akuzat për të cilët kreu i PD, Lulzim Basha vendosi të padisë Erion Veliajn. Kështu, ky i fundit nuk është ndalur në gënjeshtrën e tij, duke zgjedhur të justifikohet po me shpifje për arsyet pse nuk është paraqitur në Gjykatën e Posaçme.
Discussion about this post