Adriatik Llalla nuk është paraqitur sot në Apelin e Gjykatës së Posaçme, ku ka kërkuar pafajësi përmes avokatit të tij, Sokol Hazizaj, pasi është në gjendje të rëndë shëndetësore.
Vetë Hazizaj është shprehur se ish-kryeprokurori ndodhet në gjendje të rëndë në spital, duke mos dhënë më shumë informacion rreth sëmundjes së ish-kryeprokurorit.
Gjatë seancës, avokati paraqiti një akt ekspertim mjeko-ligjor, me të cilin provonte se Llalla ishte i sëmurë dhe në regjim spitalor, ndërsa kërkoi dhe pafajësinë e Llallës. Ndërkohë që, Gjykata është tërhequr për të marrë një vendim, nëse do të pranohen këto si prova apo jo.
Llalla u dënua nga Shkalla e Parë me 2 vite burg dhe disa pasuri iu sekuestruan dhe i kaluan shtetit me akuzën e deklarimit dhe fshehjes së pasurisë. 4 sipërfaqe toke, në total 22 mijë metra katrore dhe 1 apartament në Durrës iu morën ish-kryeprokurorit. Po ashtu Llalla u dënua që për 5 vite mos kryejë asnjë funksion publik, ai e ankimoi këtë vendim dhe tashmë pritet vendimi i Apelit.
