Sfida mes Werder Bremenit dhe Bayernit është premiera e sezonit të ri të Bundesligës, me kampionët në fuqi që nisin mbrojtjen e titullit kampion, nga veriu i Gjermanisë.
Kjo sfidë është domethënëse për Harry Kane, blerjen më të shtrenjtë në historinë e rekordmenëve të Gjermanisë, të cilët kaluan shifrën e 100 milionë eurove, për ta sjellë në Allianz Arena, “bomberin” e kombëtareres angleze.
Të gjithë, presin shumë gola nga britaniku, i cili nuk ka vonuar shumë për të gjetur golin e tij të parë në kampionatin gjerman.
Në minutën e 75’, kapiteni i “Tre Luanëve”, gjeti rrjetën, pas një aksioni të bukur kolektiv, që e nxorri Kane tek-e-tek, me portierin kundërshtar.
E djathta e tij ishte e saktë, duke bërë që në “Wesserstadion” të shpërthejë festa, te sektori i tifozëve miq.
Discussion about this post