Situata e Barcelonës duket se tashmë ka filluar të afektojë edhe lojtarët, ku në ndeshjen kundër Atletiko Madrid këtë fundjavë, u mposhtën me rezultatin 2-0.
Për problemet e katalanasve nuk ka ngurruar të flasë edhe veterani Gerard Pique, ku në një koment është shprehur:
“Në atë ndeshje, mund të luanim edhe për tre ore të tjera dhe sërisht nuk do të fitonim dot kundër Atletiko Madrid.”
“Ne humbëm, dhe ishte një rezultat që e prisnim, por që nuk e dëshironte asnjë. Duhet të pushojmë dhe të mendojmë për rikthimin e kampionatit. Nuk e nisëm mirë ndeshjen, u hodhëm në sulm menjeherë dhe e pësuam nga një kundërshtar që u përpoq shumë më pak se ne.”
“Ne kemi shumë probleme, njerëzit e dinë, madje dhe një i verbër mund ta kuptojë. Janë periudha të vështira që ne do ti kalojmë.”
Ajo që Pique ka zbuluar, hedh dritë më së miri në situatën e klubit, ku sa i përket dhomave të zhveshjes, është shprehur:
“Atmosfera në dhomat e zhveshjes është shumë e mirë, lojtarët shkojnë mirë me njëri tjetrin dhe kemi dëshirë të ndryshojmë situatën. Nuk përfshihemi në problemet e presidentit, dhe presidenti nuk duhet të përfshihet te ne,” detaj ky që sipas qëndërmbrojtësit kanatalanas e hedh topin e problemit të klubit mes presidentit Laporta dhe trajnerit Koeman.
