Kastriot Rexhepi është përjashtuar nga të gjitha pozicionet në Lëvizjen Besa. Ka qenë kryetari Bilall Kasami ai i cili ka bërë të ditur lajmin.
Nëpërmjet një postimi në rrjetet sociale, Kasami ka njoftuar përjashtimin e Rexhepit. E gjitha kjo ndodhi pasi ai nuk është paraqitur në kuvend, për të mbështetur mocionin e mosbesimit të qeverisë.
Ndër të tjera, Kasami pohon se e përjashton Rexhepin jo vetëm nga pozicionet partiake, por madje dhe nga të qenit anëtar i Lëvizjes Besa.
Ky është reagimi i plotë i kryetarit në rrjetet sociale:
NJOFTIM PËR OPINIONIN
Duke marrë parasysh veprimet e fundit të deputetit të Lëvizjes BESA Kastriot Rexhepi i cili ditë më parë nuk u paraqit në kuvend, për të mbështetur mocionin e mosbesimit të qeverisë, me çka i njëjti veproi në kundërshtim me vendimin e partisë me ç’rast dëmtoi rëndë edhe prestigjin e partisë, Lëvizja BESA, respektivisht unë si Kryetar partie, konform normave statutore përkatësisht nenit 14 paragrafit 3 pika 3.3 të Statutit të Lëvizjes BESA, anëtarin e lartpërmendur e përjashtoj nga të gjitha pozicionet partiake dhe të qenurit anëtar i Lëvizjes BESA.
Ky vendim hyn në fuqi menjëherë.
Discussion about this post