Nuk ka zgjatur shumë aventura e Xherdan Shaqirit në MLS me skuadrën e Chicago Fire. Skuadra amerikane pagoi shtatë milionë euro për transferimin e Shaqirit nga Olympique Lyon.
Por kur ka përfunduar kampionati amerikan, Xherdan Shaqiri ka vendosur të rikthehet në Evropë, për tu përgatitur sa më mirë për Kampionatin Botërorë.
Gazeta më e madhe zvicerane “Blick” ka njoftuar se marrëveshja është arritur dhe Shaqiri është rikthyer në Evropë, ku do ta mbajë formën me skuadrën zvicerane Lugano.
31-vjeçari do të stërvitet gjatë kësaj kohe me Luganon, edhe pse klubi zviceran shpresonte që ta huazonte atë, por një gjë e tillë nuk do të ndodhë.
“Nëse Xherdan Shaqiri mund të stërvitet në nivelin më të lartë me një klub ambicioz zviceran, kjo nuk është vetëm e dobishme për të, por edhe për Përfaqësuesen. Kështu që ai do t’i bashkohet përfaqësusese në formën më të mirë të mundshme në Kupën e Botës”, tha Murat Yakin për Blick.
Sezoni i lojtarit me origjinë shqiptare me Chicago Fire përfundoi më 9 tetor pasi klubi i MLS nuk arriti të kualifikohej në “play-off”.
Për t’u stërvitur me Luganon, ishte i nevojshëm miratimi nga Major League Soccer dhe klubi i tij aktual Chicago Fire.
Vlen të theksohet se kompania Ticino me pronarin Joe Mansueto kanë të dyja klubet në pronësi si Chicago Fire ashtu edhe Luganon, marrëveshja ishte shumë më e lehtë.
Gjithnjë sipas “Blick”, Shaqiri sot do ta mbajë seancën e parë stërvitore me Luganon.
Vorbereitung für die WM: Shaqiri steigt bei Lugano ins Training ein https://t.co/yPOoGEx3Hj
— Blick Sport (@Blick_Sport) October 24, 2022
Discussion about this post