Situata vijon të jetë e qetë në Kosovë për sa i përket virusit, ku nuk është shënuar asnjë humbje jete.
Në 24 orët e fundit janë konfirmuar 14 raste të reja, të personave të prekur me Covid-19.
Në këtë periudhë kohore janë shëruar 17 pacientë, duke e çuar numrin total të të shëruarve në 157.419.
Ministria e Shëndetësisë atje njofton se janë bërë 1619 testime, ndërsa rastet aktive janë 440.
Procesi i vaksinimit ka vijuar normalisht dhe janë aplikuar 2646 doza.
Në të gjitha qytetet e Kosovës, që prej fillimit të këtij procesi janë bërë 1.578.022 doza të vaksinës.
Prej disa ditësh, situata pandemike në vendin fqinj vijon të jetë e normalizuar, teksa masat po vijojnë të respektohen në masë.
Discussion about this post