Komisioni Qendror i Zgjedhjeve ka ndarë sot një komunikim për kandidatët për deputetë në ‘Listën e Hapur’, teksa vijon procesi i numërimit të votave nga zgjedhjet e 11 majit.
Nisur nga disa shqetësime për integritetin e numërimit dhe vlerësimit të votave parapëlqyese, KQZ siguron se ka marrë të gjitha masat organizative, njerëzore dhe ato teknike për të mos lejuar ‘trafikimin’ e votave për kandidatët e ‘listës së hapur’ të çdo subjekti.
KQZ ka regjistruar dhe ka pamjet filmike të procesit të numërimit dhe të vlerësimit të votave për partitë politike dhe koalicionet.
Nëse në procesin e numërimit dhe vlerësimit të votave për kandidatët në ‘listën e hapur’ do të konstatohen mospërputhje te çfarë rezulton në pamjet filmike me atë çfarë do të rezultojë në procesin e vlerësimit të votave për kandidatin, atëherë numëruesit apo komisionerët përgjegjës për këtë rast do të përgjigjen penalisht për shkeljen e rëndë të integritetit zgjedhor
Discussion about this post