Ekspertja e ekonomisë, Teuta Nunaj Kortoçi, thotë se në Shqipëri, burimet njerëzore ende nuk po vlerësohen si aseti më i vlefshëm i një organizate. Lidhur me hierarkinë e pagave, ajo tha se ajo duhet përcaktuar në bazë të produktit që ofron secili punonjës. Nunaj e vuri theksin te rëndësia e kualifikimit të punonjësve.
“Duhet të ketë hierarki page. Kur flasim për administratë publike, qeveria e ka të drejtën e hierarkisë së pagave. Kualifikimet duhen nxitur. Nuk duhet të jemi të ngurtë për të kualifikuar burimin njerëzor. Paga duhet të jepet në bazë të produktit që ofron individi.
Në sektorin publik, kur flasim për të ndryshon nga privati. Ka një hierarki vertikale. Kur je drejtues, automatikisht ti ke realizuar disa kërkesa dhe ke kualifikime më shumë se vartësi. Nëse e ndryshojmë këtë strukturë vertikale, atëherë duhet t’i referohemi pagës kundrejt produktit.
Por në rastin e administratës është e vështirë ta bëjmë. Vitet e fundit, në të gjitha teoritë e menaxhimit flitet për menaxhim strategjik të burimeve njerëzore”, tha ajo./MCN
Discussion about this post