Shefi i famshëm turk dhe fenomeni i rrjeteve sociale, Nusret Gökçe, i njohur ndryshe si “Salt Bae”, ka ndarë në Instagram një foto me Kryeministrin shqiptar Edi Rama, të cilin e ka vlerësuar me fjalët: “Më shumë se një mbret”.
Në imazhin e publikuar në “story”, Nusret shihet pranë Kryeministrit Rama në një ambient të brendshëm luksoz, ku të dy shfaqen të buzëqeshur dhe në një atmosferë miqësore.
Rama mban veshje sportive të zeza me atlete të bardha, ndërsa Nusret vesh kostumin karakteristik të tij, duke ruajtur stilin e njohur.
Nusreti njeh disa nga ministrat shqiptarë, përfshirë ish-zëvendëskryeministrin, Arben Ahmetaj, Belinda Ballukun, Arbi Maznikun etj. të cilët i takonte në restorantin e tij në Dubai. Një video e publikuar në Instagramin e rrjetit të njohur të restoranteve luksoze “Nusret” në janar 2021 ka shkaktaur mjaft reagime në Shqipëri, nisur edhe nga personazhet që ndodheshin aty. Pas publikimit në Instragm, videoja u shpërnda shumë shpejt në rrjetet sociale, ndërkohë që në një reagim të mëvonshëm, u shpjegua se delegacioni shqiptar gjendej në Dubai i ftuar nga investitori “Emaar”, i cili edhe kishte mbuluar shpenzimet e darkës në fjalë.
Arben Ahmetaj, duke komentuar darkën e famshme në restorantin e Nusretit në Dubai, e cilësoi atë një darkë buke. Ahmetaj tha se sipas zakonit shqiptar ata ndanë bukën me mikpritësit.
“Mund të hajë edhe kryeministri me kryetarin e opozitës, ndajnë bukën, në pozicione të tyre kundërshtuese politike, po ndajnë bukën… Dhe ka respekt robi për bukën. BUKË! Ishim të ftuar për të ndarë bukën…! Ishim të ftuar në një mision, ishim të treja tryezat, të treja tryezat, ishte tryeza jonë, ishte tryeza e zëvendës ministrave, shte tryeza e medias”, tha Ahmetaj.
Dhe ja ku erdhi dita që edhe kryeministri ynë të takojë kuzhinierin e famshëm. Prisni postimin e tij të tipit “Së shpejti investitori i restoranteve në Tiranë…”.
gijotina.com/
Discussion about this post