Programi për Vlerësimin Ndërkombëtar të Studentëve (PISA), ka publikuar raportin e vlerësimit të kreativitetit të nxënësve në 64 vende të botës. Për herë të parë, është matur aftësia e nxënësve 15 vjeçar në “të menduarit krijues”.
Raporti i përkon vitit 2022 dhe vëllimi i tretë që u publikua nga PISA kishte të bënte vlerësimin e nxënësve në të menduarit krijues. Sipas kësaj matje, Shqipëria është renditur në vendin e fundit me vetëm 13 pikë, ndërsa në vend të parë është Singapori me 41 pikë në renditjen me 64 shtete.
Lidhur me këtë ka ardhur një reagim nga Qëndresa Qytetare e cila teksa e ka konsideruar raportin si dramatik ka kërkuar që të të dorëhiqet elita drejtuese e MAS.
Qëndresa Qytetare i kërkon klasës politike, shoqërisë civile dhe medias ta shohin arsimin si një Emergjencë Kombëtare, pasi nëse arsimi bie ka rënë mbarë shoqëria.
“Mendimi krijues shkatërrohet kur institucionet arsimore drejtohen nga kopjacët. Nepotizmi, emërimet politike në sektorin e arsimit, korrupsioni në këmbim të notës dhe vendit të punës janë në themel të rrënimit të arsimit publik në vend, alarm që Qëndresa Qytetare e ka ngritur prej një dekade.
Programi për Vlerësimin Ndërkombëtar të Studentëve (PISA) për herë të parë ka matur aftësitë e nxënësve 15 vjeçarë në mbarë botën për të menduar në mënyrë krijuese si një mënyrë për të vlerësuar aftësinë e tyre.
Rezultatet e këtij studimi rezultuan dramatike për vendin tonë, pasi nxënësit shqiptar u renditën të fundit.
Në studim morën pjesë 64 shtete, teksa në vendin e parë është renditur Singapori me një vlerësim prej 41 pikësh dhe Shqipëria mbylli me turp tabelën me vetëm 13 pikë.
Ky studim duhet lexuar nga ekspertët e fushës të cilët duhet të ngrenë alarmin për regresin e arsimit shqiptar, që sot është në të njëjtat nivele të viteve 2000.
Qëndresa Qytetare kërkon shkarkimin e elitës drejtuese të Ministrisë së Arsimit e cila ka përgjegjësitë kryesore për këtë degradim të nivelit të nxënësve.
Qëndresa Qytetare i kërkon klasës politike, shoqërisë civile dhe medias ta shohin arsimin si një Emergjencë Kombëtare, pasi nëse arsimi bie ka rënë mbarë shoqëria”.
Raporti i PISA thotë se ky hendek është më shumë se 2.5 herë më i madh se mesatarja e Organizatës për zhvillimin dhe bashkëpunimin Ekonomik.
Sipas raportit, vajzat ia kalonin djemve në të menduarit krijues në pothuajse të gjitha sistemet arsimore që janë marrë në analizë nga PISA.
Discussion about this post