Sot është dita e parë e vitit të ri shkollor për fëmijët në Ukrainë. Ndërsa disa do të praktikojnë aftësitë e tyre të shkrim-leximit dhe numërimit, të tjerët kanë mësuar të fluturojnë dronët.
Në një mesazh në Facebook, kryetari i bashkisë së Lviv, Andriy Sadovyi ndau edhe një fotografi të të rinjve të ulur para kompjuterëve, të cilët po mësojnë “fluturimin”, raporton skyneës.
“Ky është realiteti ynë i ri. Aftësitë e fluturimit dhe grumbullimi i dronëve janë një nga elementët e programit ‘Mbroni Ukrainën’, i cili do të studiohet në shkollat tona”, shkroi ai.
Dronët janë bërë pjesë e pandashme e luftës, ku Ukraina dhe Rusia po i përdorin ato si armë të lira dhe lehtësisht të përshtatshme.
Rusia nisi pushtimin e pajustifikueshëm të shtetit ukrainas më 24 shkurt të vitit të kaluar, duke shkaktuar mijëra viktima dhe dëme të shumta materiale.
Discussion about this post