Nxirret nga liqeni i Kukësit trupi i pajetë i një gruaje, dyshohet se…

Një ngjarje e rëndë është regjistruar në Kukës.

Nxirret një kufomë e seksit femër nga ujrat e liqenit të Kukësit rreth 35 vjeç.

Kufoma është ende e pa identifikuar dhe është transportuar sot në mëngjes në morgun e spitalit rajonal të Kukësit.

Kufoma është pikasur nga një banor i zonës i cili po mbushte ujë afër bregut të liqenit, në vendin e quajtur “Shtrazë”.

Deri më tani nuk është shënuar asnjë rast i denoncuar për persona të zhdukur në Komisariatin e Policisë së Kukësit.

Njoftimi

Policia Kukës/Informacion paraprak

Në orët e para të mëngjesit, në vendin e quajtur ‘Shtrazë’, në bregun e liqenit të Fierzës, është konstatuar e pajetë një shtetase ende e paidentifikuar, rreth 35 vjeçe.

Gjatë këqyrjes së trupit të pajetë nuk janë konstatuar shenja dhune. Nga të dhënat paraprake dyshohet se kjo shtetase është vetëmbytur.

Grupi hetimor po punon për identifikimin e kësaj shtetaseje dhe për zbardhjen e rrethaneve të humbjes së jetës.