Një i rëndë është shënuar ditën e sotme në Fier, ku bëhet fjalë për shfrytëzimin e të miturve. Sipas burimeve, një vajzë e mitur 14 vjeçe ka denoncuar në polici kujdestarin e saj ligjor, një 44-vjeçar. Ajo është shprehur se 44-vjeçari e ka dhunuar, por edhe e ka nxjerrë në rrugë për të lypur.
Policia konfirmon, se u shpall në kërkim shtetasi Sh. M., 44 vjeç, banues në Levan, Fier, i cili ka ushtruar dhunë ndaj të miturës dhe e ka detyruar të dalë në rrugë për të lypur. Për fat të keq raste të tilla në vendin tonë, ku fëmijët shfrytëzohen për të lypur qoftë nga prindërit apo kujdestarët e tyre janë raste në rritje. Por, akoma më keq duket gjendja kur këto raste kanë një numër pothuajse inekzistent denoncimi.
Discussion about this post