SPAK ka mbyllur hetimet dhe ka dërguar për gjykim 4 persona të cilët akuzohen për nxitje dhe pjesëmarrje në organizatë terroriste.
Megjithëse asnjë prej tyre nuk ndodhet i arrestuar, në GJKKO nis procesi i gjykimit ndaj Almir Dacit, Shkelzen Dumanit, Mehdi Manallarit dhe Shyqyri Kaca, që akuzohen se rekrutonin shtetas shqiptarë që i çonin më pas në Siri, në kuadër të atij që njihej si shteti i ISIS.
Sipas raportimeve, në GJKKO, atje ku zhvillohet edhe gjykimi në mungesë ndaj 4 shtetasve të sipërpërmendur, janë paraqitur disa nga gratë që kanë qenë në kampet xhihadiste të ISIS, por që janë riatdhesuar në Shqipëri.
Hetimet ndaj disa shtetasve që rekrutonin shqiptarë në atë që njihej si lufta e ISIS kanë nisur vite më parë nga ish-Prokuroria e Krimeve të Rënda, ndërsa në atë kohë u dënuan disa imamë dhe besimtarë, përfshi këtu edhe Genci Balla dhe Bujar Hysa.
Discussion about this post