Policia e Gjirokastrës ka proceduar 5 persona pasi kanë nxjerrë me dhunë nga banesa në fshatin Progonat, 2 motra, të cilët pretendojnë se banesa është në pronësi të tyre. Të proceduar janë me inicialet, G. L., 50 vjeçe, Sh. G., 59 vjeçe, banuese në Tepelenë dhe V. C., 60 vjeçe, A. G., 34 vjeç e A. I., 42 vjeçe, banues në Tiranë.
Këta persona më datën 18.08.2022, në fshatin Progonat, Tepelenë, kanë hyrë me dhunë në banesën ku aktualisht banon 58-vjeçarja me inicialet, A. H., dhe e kanë nxjerrë atë me dhunë nga banesa, për të cilën 5 personat pretendojnë se është në pronësi të tyre. Për pasojë, është dëmtuar në dorë V. D., motra e A. H.
Nga veprimet hetimore rezultoi se këta persona janë aktualisht në proces gjyqësor, për pronësinë mbi banesën.
Materialet në ngarkim të 5 shtetasve i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
Discussion about this post