Hakerat “Homeland Justice” vazhdojnë të trondisin vendin, me faktet që kanë bërë publike. Ishte ky grup hakerash iranianë që nxori të dhëna sensitive të shtetit dhe të shtetarëve tanë, duke bërë që të “shkundet” skena politike.
Pasi nxorën të dhëna për doganat, fakte nga sistemi MEMEX i policisë, ky grupim ka publikuar të dhëna për policët.
Bëhet me dije se “Homeland Justice” kanë bërë me dije emrat e afër 10 mijë policëve dhe agjentëve të Shqipërisë.
Në faqen e internetit Homeland Justice ekzistojnë disa publikime, në të cilat grupi merr përgjegjësinë për sulmin kibernetik, siç thuhet, për shkak të urrejtjes ndaj qeverisë shqiptare.
Sistemet TIMS në pikat kufitare u prekën në 9 shtator nga një sulm kibernetik.
Në fillim u raportuan probleme në sistemin TIMS në pikën kufitare të Kapshticës, ndërkohë më vonë u raportua për probleme dhe në pikën kufitare të Kakavijës dhe Rinasit. Kryeministri Edi Rama akuzoi Iranin se fshihet pas këtij sulmi.
Për arsye etike, nuk do të publikojmë listën e policëve dhe agjentëve të zbuluar nga Homeland Justice.
Discussion about this post