Partnerja e Ledri Vulës, Sara Hoxha, ka treguar edhe një herë se i merr me shumë sportivitet mesazhet apo komentet negative që i bëjnë në rrjete sociale. Rasti i fundit ishte mbrëmjen e djeshme, gjatë kohës që Hoxha po bënte një bisedë virtuale me fansat e saj në Instagram.
Mes pyetjeve të shumta, ishte edhe: “O femër e urryer!”. Sara zgjodhi t’i përgjigjej shkurt duke shkruar: “O jeta, po ça faji kam unë e shkreta?!”.
Një tjetër ndjekëse i shkroi: “Pse bën të vështirën? Posto një foto burrin mi”.
Sara, e cila nuk i kursen aspak pozat e bukura krah këngëtarit, ndau një fotografi të tyren të shkrepur kohëve të fundit. Krahas saj shkroi: “Qyqa! Na mi, ja ku e ke”. Çifti po qëndronte para një pasqyre, ndërkohë që Ledri ishte përkulur për t’i dhuruar një puthje në qafë Sarës, gjatë kohës që qëndronte pas saj.
Gjatë bisedës virtuale, Hoxha tha se ende e ushqen me qumësht gjiri Poem Blu, vajzën e saj, pavarësisht problemeve që ka pasur në fillim.
“Ka qenë e vështirë, por gjithashtu është gjëja më e mirë, sidomos kur udhëton dhe nuk ke pse mendon për shishet etj. Daljet jashtë gjatë natës janë ende problem, prandaj më duhet ta vë atë në gjumë si fillim dhe pastaj të largohem e të kthehem para se të zgjohet. Kam provuar t’i jap formulë gjatë natës, por ajo e refuzon”, shkroi Sara.
