Ka degraduar në konflikt fizik përplasja mes deputetit të PD, Ervin Salianji dhe ish-zëvendës kryeministrit Erion Braces, pasi deputeti demokrat e akuzoi se është i përfshirë në përgjimet e biznesmenit Rezart Taçi.
Nga foltorja e Kuvendit, Salianji iu drejtua Braçes duke i thënë se nëse është ai zv.kryeministri që ka dalë nga përgjimet për çështjen e biznesmenit Taçi.
“Kjo hipokrizia sikur këtu ka disa gra ministre e deputete dhe bëjnë të prekurat për një fjalë që nuk prek askënd, kurse kur kryeministri i drejtohet kryetares së parlamentit për mbarimin e fjalës i kthehet. Ka 10-fishuar pasurinë e saj dhe bashkëshortit të saj zonja Bushka. Prandaj del dhe bën këtu si engjëll, por nuk është engjëll. Zotëria, parafolësi im 40 milionë euro me tendera. Ky zotëria që del dhe bën si më i shqetësuari, në përgjimet e prokurorisë italiane, për Rezart Taçin. A je ti zv.kryeministri që del në përgjime. Mos m’u drejto mua si kone se je mësuar me këta”, tha Salianji.
Në këtë moment Braçe u ngrit për të shkuar drejt foltores ku ndodhej Salianji, çka solli përplasjen e tyre fizike, ndërsa ndërhyri menjëherë garda. Kjo solli që seanca plenare të ndërpritet për pesë minuta dhe të fillojë sërish.
Discussion about this post