Është tensionuar situata në protestën e banorëve të “5 Majit”, në momentin që kryeministri EdI Rama po tentonte të futej drejt Kuvendit për zhvillimin e seancës plenare.
Banorët të revoltuar e kanë ndaluar dhe i kanë kërkuar llogari për shtëpitë e tyre duke i rikujtuar dhe premtimet që u ka bërë vetë Kreu i Qeverisë. Nga ana tjetër, Rama kërkoi që me të në Kuvend të futeshin vetëm tre banorë. Madje një prej tyre e injoroi duke i thënë që ai mund të vijonte të bënte propagandë në televizor.
“Përveç teje kush do të vijë me mua, nuk vijnë dot 100 veta, do të vini 3 veta, përveç nënës kush do të vijë me mua, zotëria të shkojë dhe të bëjë propagandë në televizor”, tha Rama.
Kjo lëvizje e Ramës nuk është diçka e re, pasi kryeministri të njëjtën shfaqje dha edhe për protestën e fermerëve dhe atë të personave me aftësi të kufizuara, duke i ftuar në Kuvend dhe duke mos i zgjidhur asnjë hall.
Discussion about this post