Pavarësisht përjashtimit të 6 deputetëve nga ana e Kuvendit për shkak të tensioneve të krijuara në Kuvend, deputetët e opozitës, nuk janë ndalur dhe gjatë seancës së ditës së sotme, kur pritet të diskutohet dhe miratohet buxheti i vitit të ardhshëm, opozita ka vijuar aksionin e tij.
Përplasja e kësaj radhe ka qenë mjaft e ashpër, e cila nisi me kontrollin e më pas me mbledhjen e karrigeve në qendër të sallës.
Një nga deputetët e opozitës, dëgjohej në videon live në Facebook, të deputetit Luan Baçi, teksa i drejtohej një prej punonjësve të Gardës me ironi:
-E ke bërë nja dy herë trimin. O lepurush!
-Edhe pa njohur nuk duhet ta prekësh me dorë…
-Ç’është kjo, që e njoh dhe se prek, po janë deputetë o zotëri.
-Lejohet me ik me bo shurrën?
-Është e ndaluar…
Discussion about this post