Seanca plenare e kësaj të enjteve ka rikthyer përplasjet fizike në Kuvendin e Shqipërisë.
Deputeti socialist Xhemal Qefalia është përplasur fizikisht me deputetët e PD, Xhelal Mziu dhe Edmond Spaho.
Qefalia shtyhet fillimisht me Xhelal Mziun. Ndërkohë që teksa largohet ai përplaset fizikisht dhe me deputetin Edmond Spaho.
Në video dëgjohet deputetja e Partisë Demokratike, Ina Zhupa, e cila i kërkon deputetit socialist të mos qëllojë.
“Na vrave o Xhemal, mos qëllo”- dëgjohet të thotë Zhupa.
Deputetët e PD-së bllokuan me karrige foltoren e Kuvendit. Në kushtet e krijuara kryeparlamentarja Nikolla anuloi interpelancën e planifikuar mes ministrit të Mbrojtjes Niko Peleshi dhe deputetit Nasip Naço.
Në mes të kaosit, mazhoranca miratoi të gjitha projektligjet në axhendë dhe mbylli seancën.
Discussion about this post