Për të dytin sezon radhazi, Ballkani jo vetëm triumfoi në Kosovë, por gjithashtu do të marrë pjesë në kualifikueset e UEFA Champions League me synimin për të mbërritur në fazën e grupeve.
Tradita në Europë është e rëndësishme, por jo përcaktuese dhe emocionet e kujtimet janë të freskëta, me Ballkanin që në sezonin e parë debutues ia doli të shkonte shumë larg, në fazën e grupeve të Europa Conference League, duke shkruar historinë për futbollin dardan.
Të martën, në stadiumin “Fadil Vokrri” skuadra e Ilir Dajës do të presë Ludogoretz Razgrad në ndeshjen e parë kualifikuese dhe Ballkani është gati për të shkruar kapitullin e ri sepse historia e skuadrës kosovare sapo ka nisur.
Në letër, bullgarët nisen si favoritë, kjo për faktin se në të kaluarën jo shumë të largët, Ludogoretz ka arritur të prekë edhe fazën e grupeve të Champions League, por edhe të Europa League, ku sezonin e kaluar u eliminua në raundin e 1/16-ave ndaj Anderlecht.
Fituesi i këtij dueli, do të përballet me fituesin e takimit Olimpia Lubjana-Valmiera.
Discussion about this post