Organizata Botërore e Shëndetit ka dhënë sot një paralajmërim të fortë në lidhje me koronavirusin. Zyrtari më i lartë i OBSH ka deklaruar se, Evropa është kthyer në epiqendrën e pandemisë së koronavirusit dhe mund të shohë gjysmë milioni të tjerë vdekje nga Covid-19 deri në shkurt të vitit 2022.
“Ritmi aktual i transmetimit në 53 vendet e rajonit evropian është një shqetësim i madh,” tha Hans Kluge, kreu i zyrës së saj rajonale për Evropën, në një konferencë për shtyp sot.
Sipas të dhënave të OBSH-së, shtrimet në spital të pacientëve Covid-19 janë më shumë se dyfishuar në vetëm në një javë. “Kontinenti mund të shohë një gjysmë milioni të tjerë vdekje nga Covid-19 deri më 1 shkurt”, paralajmëroi zyrtari.
Discussion about this post