OBSH ngre alarmin për rritjen e sëmundjeve dentare

Organizata Botërore e Shëndetësisë (OBSH) i kërkoi vendeve europiane të ndërmarrin veprime të shpejta kundër rritjes së sëmundjeve dentare.

Sipas raportit të OBSH-së në vitin 2019 , një në dy të rritur nga 50,1% e popullsisë në rajonin e Europës kishte sëmundje dentare.

Drejtori rajonal i OBSH-së Hans Kluge theksoi se kjo ”sëmundje ka një përhapje globale, me rreth 3,5 miliardë njerëz të prekur në mbarë botën nga probleme si prishja dhe rënia e dhëmbëve”.

Në Evropë numri i përgjithshme i të prekurve shkon në 466 milionë.

Në raportin e saj OBSH-ja deklaroi se 53 shtete anëtare evropiane dhe të Azisë Qendrore duhet të përmirësojnë aksesin ndaj kujdesit bazik dentar.

”Shëndeti oral është një përbërësi thelbësor i kujdesit shëndetësor”, theksohet në raport.

”Ai kontribuon në funksionet thelbësore, të tilla si të ngrënit, frymëmarrjes dhe të folurit dhe përfshin aspektet psikosociale si vetëbesimi, mirëqenia dhe aftësia për të bashkëvepruar dhe punuar, pa dhimbje dhe pa siklet”, thuhet në raport.

Përveç konsumimit të sheqerit, OBSH-ja rendit duhanin, alkoolin, traumat dhe higjienën e dobët orale si nxitësit kryesorë të këtyre sëmundjeve.