Organizata Botërore e Shëndetit (OBSH) ka njoftuar se procesi i regjistrimit të vaksinës ruse të Sputnik-V COVID-19 në listën e saj të vaksinave të miratuara për përdorim është pezulluar në pritje të disa të dhënave të munguara dhe procedurave ligjore.
“Ne po punojmë me Ministrinë Ruse të Shëndetësisë pothuajse çdo ditë për të adresuar çdo çështje të mbetur që duhet të plotësohet nga Fondi i Investimeve Direkte Ruse, ” tha Mariangela Simao, ndihmës drejtore e përgjithshme e OBSH-së në ilaçe dhe produkte shëndetësore.
Ministri rus i Shëndetësisë Mikhail Muraska kishte thënë në fillim të këtij muaji se të gjitha pengesat për regjistrimin e vaksinës nga OBSH ishin tejkaluar dhe se vetëm disa procedura burokratike kishin mbetur për t’u përfunduar.
Sakaq theksojmë se Shqipëria vazhdon ta përdorë këtë vaksinë.
Kujtojmë se në muajin mars në Shqipëri mbërritën 10 mijë doza të vaksinës, të cilat u dhuruan nga Emiratet e Bashkuara. Gjatë kësaj kohe deri më sot ato janë përdorur për vaksinim e pacientëve. Megjithatë me vendimin e OBSH-së për t’i pezulluar këto lloj vaksinash, tregon se Sputnik- V nuk është aq e sigurt për tu aplikuar tek të infektuarit.
