Interi mund të cilësohet pa dyshimin më të vogël si skuadra më e pafat në botë. Në takimin e të premtes përballë Salernitanës, ziklatërit u stopuan në një barazim një me një.
Djemtë e Simone Inzaghit nuk arritën të konkretizonin rastet e shumta të krijuara pas golit të minutës së gjashtë nga Gosens.
Sulmi i Interit, i përbërë nga Lukaku dhe Correa (të zëvendësuar nga Dzeko dhe Martinez) duhet thënë, ishte i pasaktë para portës, megjithatë, meritë maksimale, që ndeshja përfundoi në barazim, ishte e portierit meksikan të kampanëve, Guillermo Ochoa.
Fati i keq i ekipit lombard u konkretizua më tej me faktin që Salernitana shënoi golin e barazimit në minutën e 90’ me anë të Candrevas në goditjen e tretë në total drejt portës.
Ky barazim, i kushton rëndë, Interit sepse tani pozita në zonën Champions është shumë e rrezikuar tashmë.
Discussion about this post