Ditën e nesërme Arsenal do të luajë ndeshjen e parë gjysmëfinale të Europa League me Villarealin, sfidë kjo që do të zhvillohet fillimisht në Spanjë. Ky do të jetë një rikthim në gadishullin iberik për Martin Odegaard, i cili është në huazim tek “Topçinjtë” nga Real Madrid. Në një intervistë për faqen e klubit londinez, lojtari kujton fillimet e tij tek Reali si dhe momentin kur debutoi për herë të parë.
“Gjëja më e rëndësishme për mua ishin planet që ata kishin për mua tek Reali. Unë isha shumë i lumtur që po stërvitesha me ekipin e parë dhe po luaja për Castillan, ekipi që drejtohej nga Zidane në atë kohë. Mendoj se ishte një zgjidhje shumë e mirë për mua, duke menduar se isha vetëm 16 vjeç”, deklaron norvegjezi.
“Debutimi me madrilenët? Isha shumë i etur për të luajtur, por në të njëjtën kohë edhe i ngazëllyer në ato momente. Stafi më paralajmëroi se do të luaja për 30 apo 35 minuta dhe kur pashë se Cristiano Ronaldo po dilte nga loja për t’u zëvendësuar me mua nuk po i besoja syve. Ishte një moment shumë i veçantë, të cilin do ta kujtoj përgjatë gjithë jetës sime”, përfundon Odegaard.
