Sipas një parashikimi të Organizatës për Bashkëpunim dhe Zhvillim Ekonomik (OECD), ekonomia globale po rritet më shpejt nga sa pritej, ndërsa po rikap nivelet që kishte para kulmit të pandemisë së COVID-19, një vit më parë.
“Rimëkëmbja ekonomike globale mbetet e fortë, e ndihmuar nga qeveria dhe mbështetja e bankës qendrore, si edhe nga përparimi në vaksinim”, njoftoi OECD.
“Por, megjithëse PBB-ja globale tani është rritur mbi nivelin e saj të parapandemisë, rimëkëmbja mbetet e pabarabartë, me vendet që po përballen me sfida të ndryshme ndërsa dalin nga kriza”, shtoi organizata.
Organizata parashikon rritje ekonomike globale prej 5,7 për qind këtë vit dhe 4,5 për qind në 2022.
Për Gjermaninë, OECD pret rritje prej 2,9 për qind në 2021 dhe 4,6 për qind në 2022.
Sipas OECD, rritja e shpejtë e kërkesës, që ka shoqëruar rritjen ekonomike, ka rritur çmimet e lëndëve të para të rëndësishme, si nafta dhe metalet, si edhe ushqimet.
