Vetëm pak ditë nga incidenti i rëndë, një person i identifikuar me emrin Armand Basha është shpallur në kërkim nga policia e Tiranës pasi ka ushtruar dhunë ndaj një efektivi në kryeqytet. I riu tashmë nuk është i njohur për publikun pasi njihet me emrin “DJ MIND” dhe performon në lokalet e Tiranës.
Ngjarja e rëndë ka ndodhur në 23 shtator, pranë Liqenit të Thatë në Tiranë, ku dy efektivë policie, në zbatim të detyrës, po plotësonin disa masa administrative, për shkak se disa makina kishin bllokuar rrugën në afërsi të një restoranti të njohur në kryeqytet. Ka qenë Basha ai i cili ka ofenduar punonjësit e policisë dhe pse nuk kishte lidhje me gjobitjen që po kryhej për një person tjetër. Ai nuk e ka lënë me kaq, pasi ka ushtruar dhe dhunë, duke qëlluar me grusht njërin prej efektivëve.
Efektivi i policisë është plagosur në fytyrë dhe u dërgua menjëherë në spital për të marrë ndihmën mjekësore.
DJ është shpallur në kërkim kërkim për kryerjen e veprave penale: ‘Goditje për shkak të detyrës’ dhe ‘kundërshtim i forcave të policisë’, ku pas arrestimit pritet të përballet me togat e zeza.
