Në një takim me dyer të mbyllura dje, me peshkopët në Romë, nëse homoseksualët duhet të pranohen apo jo në seminare ku priftërinjtë e ardhshëm trajnohen, Papa Françesku u përgjigj duke thënë se “tashmë ka mjaft prani homoseksuale”, duke përdorur termin “frociaggine” (pederastë), i cili konsiderohet term ofendues. Kjo solli një revolt në masë dhe menjëherë pas kësaj një reagim nga Vatikani.
“Papa Françesku është në dijeni të artikujve që u botuan së fundmi për një bisedë, me dyer të mbyllura, me peshkopët e Konferencës Italiane të Ipeshkvijve. Papa nuk ka synuar kurrë të ofendojë apo të shprehet duke përdorur shprehje homofobike dhe u kërkon falje atyre që u ndjenë të ofenduar nga përdorimi i termit, i cili u raportua nga të tjerët”, shkruhet në deklaratë.
Papa Françesku theksoi se Kisha Katolike i mirëpret homoseksualët, por bëri të qartë se ata nuk duhet të lejohen të stërviten për t`u bërë priftërinj.
Discussion about this post