Milani mund të ndryshojë pronësi dhe ofertat nuk kanë munguar së fundmi. Fillimisht ishte Investcorp, fond investimesh nga Bahreini, që mori ekskluzivitetin për të tentuar blerjen e kuqezinjve nga fondi Elliot.
Tashmë ka parakaluar RedBird Capital Partners dhe Tuttosport shkruan se amerikanët e Milanit e kanë vlerësuar ofertën e tyre, që u bë 1.1 miliard euro.
RedBird është e gatshme ta paguajë direkt të gjithë shifrën, pa pasur nevojë për financim, ndryshe nga Investcorp që tentoi të merrte një kredi 400 milionë euro.
RedBird Capital Partners ka një pjesë të vogël të aksioneve Fenëay Sports Group që zotëron Liverpool. Ata janë prej kohësh pjesë e botës së sportit, pasi kanë në pronësi klubin e Toulouse në Francë. Gjithashtu RedBid kanë në pronësi edhe ekipin e bejsbollit, Boston Red Sox.
RedBird Capital Partners është themeluar nga Gerry Cardinale dhe menaxhon 6 miliard dollarë investime në të gjithë sektorët, duke nisur nga mallrat e konsumit, për të vijuar me shërbimet financiare, telekomunikacionin, mediat dhe teknologjinë.
Discussion about this post