Me kalimin e viteve është rritur interesi i ekipeve të Arabisë Saudite për lojtarët që kanë bërë bujë në Europë.
Al Ahli dhe Al Ittihad kanë nisur ofensivën për të larguar një tjetër lojtar nga kontinenti i vjetër.
Flitet për Paulo Dybalan, i cili e ka përmirësuar rendimentin në çdo sezon dhe në të shkuarin kontriboi tek Roma me 16 gola dhe 10 asiste në 35 sfida.
Por, “La Joya” konsiderohet shumë i rëndësishëm nga traineri Daniele De Rossi edhe pse drejtuesit e ekipeve në fjalë janë të gatshëm të ofrojnë 12 milionë euro për shërbimet e tij, shifër e cila i korrespondon klauzolës për prishjen e kontratës.
Së fundmi ishi i Juventusit është pretenduar edhe nga Napoli dhe Interi, pa harruar as Fenerbahçen e Jose Mourinhos.
Duhet theksuar se objektivi i golashënuesit 30-vjeçari është qëndrimi në “Olimpico”, por është ende herët dhe rrjedha e ngjarjeve mund të ndryshojë gjatë kësaj periudhe.
Discussion about this post