Ministria e Infrastrukturës dhe Energjisë, që drejtohet nga Belinda Balluku, ka njoftuar këtë të hënë, më 14 korrik, se koncesioni për ndërtimin e autostradës Milot-Balldre është anuluar zyrtarisht pas më shumë se 6 muajsh nga hapja e këtij tenderi. Shkaku sipas ministrisë është bërë fakti se nuk ka patur asnjë ofertë të përshtatshme.
“Asnjë nga ofertat e paraqitura nuk përmbushin kërkesat e ftesës për procedurën konkurruese, pra nuk është dorëzuar asnjë ofertë e përshtatshme”, thuhet në njoftimin e Ministrisë së Infrastrukturës.
Autostrada e re ishte parashikuar të niste në nyjën e Milotit, ku do të lidhej me segmentet e tjera rrugore Milot-Thumanë-Kashar-Lekaj dhe me Rrugën e Kombit, dhe do të përfundonte në rrugën ekzistuese Tiranë –Shkodër, në Balldre. Vlera totale që ishte shpallur të kishte kontrata ishte 364 milionë Euro pa TVSH dhe do të kishte një kohëzgjatje prej 35 vitesh.
Në vendimin e bërë publik dhe në faqen e Agjencisë së Prokurimeve Publike ditën e sotme, thuhet se kompanitë që kishin aplikuar, janë njoftuar për skualifikimin e tyre nga gara që me datë 19 qershor.
Lexoni më tej për dosjen e këtij koncesioni dhe dritëhijet e korrupsionit në linkun e mëposhtëm:
Skandalet për aksin Milot-Balldre/ Balluku rihap garën me fond 365 mln euro, rruga me pagesë
Discussion about this post