Prokuroria e Posaçme kundër Korrupsionit dhe Krimit të Organizuar ka mbyllur hetimet për Etion Jokën, kandidatin e LSI për deputet në zgjedhjet e 25 prillit, i cili u akuzua për korrupsion zgjedhor.
Sipas njoftimit të prokurorisë, nga hetimet e kryera rezulton se Etion Joka, kandidat për deputet në qarkun e Tiranës në zgjedhjet e përgjithshme parlamentare të 25 prillit, i ka ofruar një shumë prej 100 USD, shtetasit Elis Babo, në këmbim të sigurimit të votave.
Prokuroria e Posaçme i ka kaluar rastin për gjykim Gjykatës së Shkallës së Parë për Korrupsionin dhe Krimin e Organizuar. Etion Joka akuzohet “Korrupsioni aktiv në zgjedhje”, ndërsa Elis Babo, për kryerjen e veprës penale “Korrupsioni pasiv në zgjedhje”.
Discussion about this post