Dhuna ndaj grave është një fenomen që e bën jetën ferr për shumë femra dhe pandemia e Covid thjesht e përkeqësoi edhe më tepër situatën. Sipas Cyprus media, këta janë disa nga titujt e shumtë që kemi parë këtë vit në vendin tonë dhe nxjerrin në pah problemin në rritje të dhunës në familje: “Ajo u rrah për vdekje”, “ajo u mbulua me gjak para fëmijëve të saj për orë të tëra”, “ai e goditi me thikë sepse ishte xheloze”.
Rritja e vazhdueshme e numrit të rasteve vitet e fundit, çka solli dhe një pandemi e cila arriti kulmin vitin e kaluar, ishte një vit kur patëm më së shumti vrasje femrash. Fenomeni, natyrisht është global. Raporti i fundit i OKB-së për këtë çështje flet për një “pandemi hije” që shpaloset paralelisht me pandeminë Covid-19. Pandemia tashmë ekzistonte, por masat e kontrollit i bënë edhe më të vështira kushtet tashmë të vështira në shumë shtëpi. Dhuna është e shfrenuar nëpër familje, në dëm të grave dhe vajzave. Numri aktual i rasteve të dhunës në familje është i vështirë për t’u vlerësuar. Sigurisht që është shumë herë më shumë se sa raportohet.
“Situata është shumë serioze. Ka një dëshirë nga partneri, veçanërisht nga burri, që ta kontrollojë gruan, ta dominojë atë. Shumë vrasje ndodhin kur një grua shpreh dëshirën për të lënë lidhjen dhe më pas burrat shpërthejnë sikur të mendonin se ishte pronë e tyre,” tha Lina Stotz nga grupi i të drejtave të grave Terre des Femmes në Gjermani, ku dhuna ndaj grave gjithashtu është rritur ndjeshëm. Shpesh harrojmë se dhuna në familje është pjesë e jetës së përditshme të shumë grave. Egziston në të gjitha klasat shoqërore pavarësisht të ardhurave, profesionit apo prejardhjes“, tha ajo.
Është interesante të shihen shifrat e OKB-së:
▪ Rreth 750 milionë gra në mbarë botën, pothuajse një në tre, janë abuzuar fizikisht dhe seksualisht nga një partner, të paktën një herë në jetën e tyre (30% e grave mbi moshën 15 vjeç). Përqindjet e depresionit, çrregullimeve të ankthit dhe sëmundjeve seksualisht të transmetueshme janë shumë më të larta në mesin e grave që janë abuzuar, si dhe sëmundjeve të tjera që vazhdojnë shumë kohë pasi gratë janë larguar nga një mjedis i dhunshëm.
▪ Shumica e dhunës ndaj grave kryhet nga bashkëshortët aktualë ose ish-bashkëshortët ose partnerët e ngushtë. Më shumë se 640 milionë gra të moshës 15 vjeç e lart janë abuzuar nga një partner i ngushtë (26% e grave).
▪ Nga ato në një lidhje, pothuajse një në katër vajza adoleshente të moshës 15 deri në 19 vjeç (24%) është abuzuar fizikisht dhe/ose seksualisht nga një partner ose bashkëshort i ngushtë. 16% e të rejave të moshës 15 deri në 24 vjeç e kanë përjetuar këtë dhunë në 12 muajt e fundit.
▪ Një në katër gra vlerësohet të jetë abuzuar fizikisht dhe/ose seksualisht nga një partner ose bashkëshort i ngushtë në 12 muajt e fundit.
▪ Thirrjet në linjat e ndihmës janë pesëfishuar në disa vende pasi shkalla e dhunës rritet për shkak të pandemisë Covid-19. Lëvizshmëria e kufizuar, izolimi social dhe pasiguria financiare rrisin cenueshmërinë e grave ndaj dhunës në familje në mbarë botën.
▪ Çdo ditë në planetin tonë, 137 gra vriten nga një anëtar i familjes së tyre. Këto të dhëna, të cilat janë para pandemisë, kanë ndryshuar ndjeshëm për keq, sipas shkencëtarëve të OKB-së. Mesatarja e vrasjeve të femrave mendohet të jetë rritur ndjeshëm në dy vitet e fundit.
Discussion about this post